ҶИГАРИ НИГИНА БАРОИ КӢ МЕСӮЗАД?
Дар раҳи ишқи ту ҷигарсӯхтам, аз ту хабар нест, нест,
Ҷомаи ғамро ба танам дӯхтам, аз ту хабар нест, нест…
Фикр мекунам, ки шумо хонандагони азиз дарк кардед, ки чеҳраи навбатии нашрияи «Зан ва мард» кист, ҳамин тавр не? Бале, бонуи зебо, ҳунарманди маҳбуби дилҳо, оне, ки мову шумо дӯсташ медорем, оне, ки мову шуморо дӯст медорад, Нигина Амонқулова мебошад. Нигинабону рӯзҳои наздик, аниқтараш 30-юми январ зодрӯз дорад, ба ин муносибат сӯҳбате оростем бо ин бонуи зебою соҳибҳунар, ки фишурдаи онро пешкаши хонандаи азиз мегардонем.
- Нигинабону, зодрӯз муборак бошад!
- Ташаккур, хеле хушҳолам, ки шумо, аҳли эҷоди нашрияи бисёр ҳам хонданӣ – «Зан ва мард» ҳамеша ва дар ҳама лаҳзаҳо ёди мо, ҳунармандон мекунед, миннатдорам.
- Акнун бигӯед, ки дар ин рӯзи хурсандӣ аз кӣ чӣ тӯҳфа интизоред?
- Рости гапро гӯям, аз касе тӯҳфа интизор нестам.
- Чаро?
- Ба он хотир, ки асос тӯҳфа нест, балки як табрикоти самимӣ ва сухани пур аз меҳру муҳаббат аст. Сухане, ки аз таҳти дил мебарояд, сухане, ки сохтаю бофтаю рӯякӣ нест.
- Воқеан ҳам дуруст аст, аммо наход аз нафаре тӯҳфа интизор набошед?
- Шавҳарамро дар назар доред?
- Шумо бо шавҳаратон зиндагии якҷоя доред?
- Албатта.
- Пас овозаҳое, ки вирди номатон паҳн шудаанд, дурӯғанд?
- Бале, ҳамааш ҳангомаанд ва ҳеҷ асосе надоранд.
- Дар ҳоле, ки бо шавҳаратон рӯзгори осудаю ширин доред, пас ҳангомаҳо ба он халал ворид намесозанд? Шояд шумо ё ҳамсаратон аз шунидани гапу хабари мардум асабӣ мешавед?
- Пештар ғамгин мешудам, имрӯз бошад, парво надорам, аниқтараш одат кардаам. Гапҳои бофтаю сохтаю бардурӯғ тамомшавӣ надоранд, бинобар ин, ба ин чизҳо дода шудан нашояд.
- Аз касбатон язна розӣ аст? Мақсадам ин ки шумо сарояндаеду ҳамеша дар ҷашну чорабиниҳо оё ӯ рашк намекунад?
- Аввалҳо рашк мекард, вале баъдтар шояд ба зани овозхонаш одат кард, ки дигар рашк намекунад.
- Мегӯянд, ки зиндагӣ бе ҷанг намешавад…
- Дуруст аст, ҳеҷ гоҳ зиндагӣ бе ҷангу ҷанҷол намешавад. Агар хушбахти ҷаҳон бошӣ ҳам, хоҳ нохоҳ як нофаҳмӣ ё ҷанҷол мешавад.
- Боре шудааст, ки бо шавҳаратон ҷангу ҷанҷол кардаю қаҳрӣ гашта бошед?
- Борҳо! Тавре гуфтам, зиндагӣ бе ҷанҷол намешавад. Зану мард бо вуҷуди он ки ҳамдигарро дӯст медоранду нисбат ба якдигар меҳру муҳаббати беандоза доранд, боз ҷангу ҷанҷол мекунанд. Ва бояд гуфт, ки ҳамин нофаҳмӣ, ҷанҷолҳо ва қаҳрӣ шуданҳо зану шавҳарро ба ҳамдигар наздиктару зиндагиро ширину гуворо месозанд.
- Вақте қаҳрӣ мешавед, сухани аввалинро барои оштӣ шудан кӣ мегӯяд: Шумо ё шавҳаратон?
- Ҳарчанд, ки борҳо сабабгори асосии ҷанҷоламон худи ман будам, вале ҳамеша аввалин сухани оштишавиро ҳамсарам мегӯяд. Ӯ хеле меҳрубон аст.
- Издивоҷи хешутабориро хуб шарҳ намедиҳанд…
- Ман ҳам дар бораи оқибати хуб надоштани издивоҷи хешутаборӣ бисёр суханон шунидаам, аммо шукри Худо, ки то имрӯз аз зиндагӣ шикоят надорам, зеро он тинҷу осуда ҷараён дорад.
- Ба ҷуз сароянда будан боз чӣ касбу кор ё шуғле доред?
- Аз ӯҳдаи ҳама он корҳое, ки хоси зананд, мебароям.
- Масалан?
- Масалан, пӯхтану дӯхтан, рӯфтану шӯстан, тарбияи фарзанд…
- Чӣ пӯхта метавонед, торт, пирог ва ё…?
- Акнун худро кадбонуи моҳир намегӯям, вале барои худаму оилаам метавонам хӯришҳои хуб омода созам, торту пирог ва дигар намуди шириниҳоро бипазам.
- Барои шавҳаратон бештар чӣ омода мекунед? Ӯ кадом навъи таомро меписандад?
- Ҳарчӣ, ки омода созам, бо иштиҳо мехӯрад, зеро болаззат тайёр мекунам. (механдад)
- Хуб, сӯҳбатро атрофи таронаҳоятон идома медиҳем, розӣ ҳастед?
- Чаро не?
- Вақтҳои охир ба сурудҳои ғамангез рӯ овардаед, сабаб чӣ бошад?
- Медонам, ки гумон доред, таронаҳоям аз ҳаёти худам қисса мекунанд, вале ҳаргиз ин тавр нест. Ман ҳунармандам ва дар ҳама мавзӯъ хоҳ шӯху дилангез бошад, хоҳ ғамангез бояд суруд дошта бошам. Мо, сарояндагон дар аксар мавридҳо дарди худро не, аз дигаронро мехонем, яъне аз халқро. Вақте таронаи «Чархи фалак» - ро хондам, ҳис кардам, ки аз сурудҳои дигарам дида ин ба дили мардум наздиктар будааст, зеро бисёранд ғамзадаҳо, бисёранд ранҷдидаҳо, бисёранд нафароне, ки дар зиндагӣ нокому ҳайрон мондаанд. Ҳол он ки вақте сенарияи клипи онро ба ман пешкаш карданд, тамоман писандам наомад, ба он хотир, ки он хеле аламовар буд ва ман, ки чунин рӯзҳоро надидаам, фикр мекардам, аз ӯҳдаи он намебароям, вале, хушбахтона, муваффақ шудам.
- «Ту бигӯ ошиқамӣ, ки бигум ошиқатам…» . Тариқи ин тарона киро мепурсед, ки ошиқатон ҳаст ё на?
- Ин танҳо шеъре буд, ки баъди хонданаш писандам омаду онро ба риштаи оҳанг дода, сурудам ва пешкаши халқ гардонидам. Он тамоман ба ман тааллуқ надорад.
- Дар ҷодаи санъат кӣ шуморо дастгирӣ мекунад?
- Ҳеҷ кас!
- Аммо…
- Бовар кунед, ки сарпараст надорам ва ҳама шунидаҳоятон овозаҳое ҳастанд, ки асоси воқеӣ надоранд.
- Пас аз куҷо маблағ меёбеду тез – тез таронаҳои нав омода кардаю пешниҳоди дӯстдорони савту наво мегардонед?
- Худо подшоҳ аст, ризқу рӯзии бандагонашро медиҳад. Ғайр аз ин ман дар Кумитаи телевизион ва радио кор мекунам, ки роҳбарияти он ҳамеша мо, кормандонашро кӯмаку дастгирӣ мекунад.
- Дар анҷоми сӯҳбат бори дигар мо, аҳли эҷоди нашрияи «Зан ва мард» шуморо ба рӯзи мавлудатон табрик гуфта, бароятон барору комёбӣ ва хушбахтӣ таманно дорем. Муборак бошад!
- Раҳмат.
Мусоҳиб Меҳрафрӯз Неъмонзода
Дар раҳи ишқи ту ҷигарсӯхтам, аз ту хабар нест, нест,
Ҷомаи ғамро ба танам дӯхтам, аз ту хабар нест, нест…
Фикр мекунам, ки шумо хонандагони азиз дарк кардед, ки чеҳраи навбатии нашрияи «Зан ва мард» кист, ҳамин тавр не? Бале, бонуи зебо, ҳунарманди маҳбуби дилҳо, оне, ки мову шумо дӯсташ медорем, оне, ки мову шуморо дӯст медорад, Нигина Амонқулова мебошад. Нигинабону рӯзҳои наздик, аниқтараш 30-юми январ зодрӯз дорад, ба ин муносибат сӯҳбате оростем бо ин бонуи зебою соҳибҳунар, ки фишурдаи онро пешкаши хонандаи азиз мегардонем.
- Нигинабону, зодрӯз муборак бошад!
- Ташаккур, хеле хушҳолам, ки шумо, аҳли эҷоди нашрияи бисёр ҳам хонданӣ – «Зан ва мард» ҳамеша ва дар ҳама лаҳзаҳо ёди мо, ҳунармандон мекунед, миннатдорам.
- Акнун бигӯед, ки дар ин рӯзи хурсандӣ аз кӣ чӣ тӯҳфа интизоред?
- Рости гапро гӯям, аз касе тӯҳфа интизор нестам.
- Чаро?
- Ба он хотир, ки асос тӯҳфа нест, балки як табрикоти самимӣ ва сухани пур аз меҳру муҳаббат аст. Сухане, ки аз таҳти дил мебарояд, сухане, ки сохтаю бофтаю рӯякӣ нест.
- Воқеан ҳам дуруст аст, аммо наход аз нафаре тӯҳфа интизор набошед?
- Шавҳарамро дар назар доред?
- Шумо бо шавҳаратон зиндагии якҷоя доред?
- Албатта.
- Пас овозаҳое, ки вирди номатон паҳн шудаанд, дурӯғанд?
- Бале, ҳамааш ҳангомаанд ва ҳеҷ асосе надоранд.
- Дар ҳоле, ки бо шавҳаратон рӯзгори осудаю ширин доред, пас ҳангомаҳо ба он халал ворид намесозанд? Шояд шумо ё ҳамсаратон аз шунидани гапу хабари мардум асабӣ мешавед?
- Пештар ғамгин мешудам, имрӯз бошад, парво надорам, аниқтараш одат кардаам. Гапҳои бофтаю сохтаю бардурӯғ тамомшавӣ надоранд, бинобар ин, ба ин чизҳо дода шудан нашояд.
- Аз касбатон язна розӣ аст? Мақсадам ин ки шумо сарояндаеду ҳамеша дар ҷашну чорабиниҳо оё ӯ рашк намекунад?
- Аввалҳо рашк мекард, вале баъдтар шояд ба зани овозхонаш одат кард, ки дигар рашк намекунад.
- Мегӯянд, ки зиндагӣ бе ҷанг намешавад…
- Дуруст аст, ҳеҷ гоҳ зиндагӣ бе ҷангу ҷанҷол намешавад. Агар хушбахти ҷаҳон бошӣ ҳам, хоҳ нохоҳ як нофаҳмӣ ё ҷанҷол мешавад.
- Боре шудааст, ки бо шавҳаратон ҷангу ҷанҷол кардаю қаҳрӣ гашта бошед?
- Борҳо! Тавре гуфтам, зиндагӣ бе ҷанҷол намешавад. Зану мард бо вуҷуди он ки ҳамдигарро дӯст медоранду нисбат ба якдигар меҳру муҳаббати беандоза доранд, боз ҷангу ҷанҷол мекунанд. Ва бояд гуфт, ки ҳамин нофаҳмӣ, ҷанҷолҳо ва қаҳрӣ шуданҳо зану шавҳарро ба ҳамдигар наздиктару зиндагиро ширину гуворо месозанд.
- Вақте қаҳрӣ мешавед, сухани аввалинро барои оштӣ шудан кӣ мегӯяд: Шумо ё шавҳаратон?
- Ҳарчанд, ки борҳо сабабгори асосии ҷанҷоламон худи ман будам, вале ҳамеша аввалин сухани оштишавиро ҳамсарам мегӯяд. Ӯ хеле меҳрубон аст.
- Издивоҷи хешутабориро хуб шарҳ намедиҳанд…
- Ман ҳам дар бораи оқибати хуб надоштани издивоҷи хешутаборӣ бисёр суханон шунидаам, аммо шукри Худо, ки то имрӯз аз зиндагӣ шикоят надорам, зеро он тинҷу осуда ҷараён дорад.
- Ба ҷуз сароянда будан боз чӣ касбу кор ё шуғле доред?
- Аз ӯҳдаи ҳама он корҳое, ки хоси зананд, мебароям.
- Масалан?
- Масалан, пӯхтану дӯхтан, рӯфтану шӯстан, тарбияи фарзанд…
- Чӣ пӯхта метавонед, торт, пирог ва ё…?
- Акнун худро кадбонуи моҳир намегӯям, вале барои худаму оилаам метавонам хӯришҳои хуб омода созам, торту пирог ва дигар намуди шириниҳоро бипазам.
- Барои шавҳаратон бештар чӣ омода мекунед? Ӯ кадом навъи таомро меписандад?
- Ҳарчӣ, ки омода созам, бо иштиҳо мехӯрад, зеро болаззат тайёр мекунам. (механдад)
- Хуб, сӯҳбатро атрофи таронаҳоятон идома медиҳем, розӣ ҳастед?
- Чаро не?
- Вақтҳои охир ба сурудҳои ғамангез рӯ овардаед, сабаб чӣ бошад?
- Медонам, ки гумон доред, таронаҳоям аз ҳаёти худам қисса мекунанд, вале ҳаргиз ин тавр нест. Ман ҳунармандам ва дар ҳама мавзӯъ хоҳ шӯху дилангез бошад, хоҳ ғамангез бояд суруд дошта бошам. Мо, сарояндагон дар аксар мавридҳо дарди худро не, аз дигаронро мехонем, яъне аз халқро. Вақте таронаи «Чархи фалак» - ро хондам, ҳис кардам, ки аз сурудҳои дигарам дида ин ба дили мардум наздиктар будааст, зеро бисёранд ғамзадаҳо, бисёранд ранҷдидаҳо, бисёранд нафароне, ки дар зиндагӣ нокому ҳайрон мондаанд. Ҳол он ки вақте сенарияи клипи онро ба ман пешкаш карданд, тамоман писандам наомад, ба он хотир, ки он хеле аламовар буд ва ман, ки чунин рӯзҳоро надидаам, фикр мекардам, аз ӯҳдаи он намебароям, вале, хушбахтона, муваффақ шудам.
- «Ту бигӯ ошиқамӣ, ки бигум ошиқатам…» . Тариқи ин тарона киро мепурсед, ки ошиқатон ҳаст ё на?
- Ин танҳо шеъре буд, ки баъди хонданаш писандам омаду онро ба риштаи оҳанг дода, сурудам ва пешкаши халқ гардонидам. Он тамоман ба ман тааллуқ надорад.
- Дар ҷодаи санъат кӣ шуморо дастгирӣ мекунад?
- Ҳеҷ кас!
- Аммо…
- Бовар кунед, ки сарпараст надорам ва ҳама шунидаҳоятон овозаҳое ҳастанд, ки асоси воқеӣ надоранд.
- Пас аз куҷо маблағ меёбеду тез – тез таронаҳои нав омода кардаю пешниҳоди дӯстдорони савту наво мегардонед?
- Худо подшоҳ аст, ризқу рӯзии бандагонашро медиҳад. Ғайр аз ин ман дар Кумитаи телевизион ва радио кор мекунам, ки роҳбарияти он ҳамеша мо, кормандонашро кӯмаку дастгирӣ мекунад.
- Дар анҷоми сӯҳбат бори дигар мо, аҳли эҷоди нашрияи «Зан ва мард» шуморо ба рӯзи мавлудатон табрик гуфта, бароятон барору комёбӣ ва хушбахтӣ таманно дорем. Муборак бошад!
- Раҳмат.
Мусоҳиб Меҳрафрӯз Неъмонзода
